Kamada Ekadashi 2024 కామద ఏకాదశి వేళ ఇలా పూజిస్తే.. శ్రీ విష్ణుమూర్తి అనుగ్రహం లభిస్తుందట..!
శుభ ముహుర్తం..
ప్రతి సంవత్సరం ఛైత్ర మాసంలో శుక్ల పక్షంలో వచ్చే కామద ఏకాదశి రోజున ఉపవాస వ్రతం ఆచరిస్తారు. ఈ నేపథ్యంలో ఈ ఏడాది ఛైత్ర శుద్ధ ఏకాదశి తిథి 18 ఏప్రిల్ 2024 సాయంత్రం 5:31 గంటలకు ప్రారంభమై, మరుసటి రోజు అంటే 19 ఏప్రిల్ 2024 శుక్రవారం రాత్రి 8:04 గంటలకు ముగుస్తుంది.Ram Navami 2024 ఆంజనేయుడు లేని ఆ కోదండ రామాలయంలో ఇప్పటికీ వీడని మిస్టరీలెన్నో...!
పూజా విధానం..
కామద ఏకాదశి రోజున సూర్యోదయానికి ముందే అంటే తెల్లవారుజామునే నిద్ర లేవాలి. పవిత్ర నదిలో స్నానం చేసి శుభ్రమైన బట్టలు ధరించి ఉపవాస వ్రతాన్ని ప్రారంభించాలి.అనంతరం విష్ణు మూర్తి విగ్రహం లేదా ఫోటోను శ్రీ యంత్రంతో సహా శుభ్రం చేసి ప్రతిష్టించాలి. నేతి దీపం వెలిగించాలి. ఈ పవిత్రమైన రోజున శ్రీమహా విష్ణువును పండ్లు, పువ్వులు, పాలు, నువ్వులు, తులసి ఆకులను, నైవేద్యాలను సమర్పించాలి. తులసి ఆకులు లేకుండా మీ పూజ పూర్తవ్వదన్న విషయాన్ని గుర్తుంచుకోవాలి.
ఏకాదశి ప్రాముఖ్యత..
ఛైత్ర శుద్ధ ఏకాదశిని ‘కామద ఏకాదశి’, ‘సౌమ్య ఏకాదశి’, ‘పాపవిమోచని ఏకాదశి’ ‘దమన ఏకాదశి’ అని అంటారు. ఈ పర్వదినాన శ్రీ హరికి ప్రత్యేక పూజలు చేస్తారు. పూర్వ కాలంలో దిలీప్ రాజు ఈ ఉపవాస ప్రాముఖ్యతను గురువు వశిష్ట ద్వారా వివరించారు.
ఉపవాస దీక్ష..
కామద ఏకాదశి రోజున వ్రతం చేసిన స్త్రీలకు సౌభాగ్యం లభిస్తుందని పండితులు చెబుతారు. వరాహా పురాణంలో శ్రీ క్రిష్ణుడు యుధిష్టరునికి కామద ఏకాదశి విశిష్టతను వివరించారు. ఈరోజున ఉపవాసం ఆచరించడం వల్ల మనం తెలియక చేసిన పాపాలన్నీ తొలగిపోతాయని పురాణాల్లో వివరించబడింది. ఒకవేళ ఈ పవిత్రమైన రోజున ఏదైనా కారణంతో ఉఫవాస వ్రతం చేయలేకపోతే, ఓ పరిహారం పాటించొచ్చు. స్నానం చేసిన తర్వాత, విష్ణువు లేదా క్రిష్ణుడిని పూజించి రోజంతా సాత్వికంగా ఉండండి.
వీటిని తప్పనిసరిగా సమర్పించాలి..!
కామద ఏకాదశి రోజున శ్రీ హరికి అరటిపండ్లను నైవేద్యంగా సమర్పించాలి. ఇలా చేయడం వల్ల ఆర్థిక పరిస్థితి మెరుగుపడుతుందని చాలా మంది నమ్ముతారు. అంతేకాదు జాతకంలో గురు దోషం కూడా తొలగిపోతుంది. అదే విధంగా పసుపు రంగులో ఉండే వస్తువులను సమర్పించాలి. వీటితో పాటు ఖీర్‌ను కూడా విష్ణుమూర్తికి నైవేద్యంగా సమర్పించడం వల్ల శుభ ఫలితాలొస్తాయని పండితులు చెబుతారు.
READ ON APP