ఆధార్ కార్డు కోసం ఆగమైపోయిన వార్నర్.. వీడియో చూస్తే నవ్వాగదు!

డేవిడ్‌ వార్నర్‌. క్రికెట్ ప్రియులకు పరిచయం అక్కర్లేని పేరు. ఇండియన్ ప్రీమియర్‌ లీగ్‌తో భారత ఫ్యాన్స్‌ మొత్తానికి సుపరిచితుడిగా మారిపోయాడు వార్నర్‌. 2009లో ఐపీఎల్‌లో అడుగుపెట్టిన డేవిడ్ భాయ్.. సుమారు ఐదేళ్లపాటు ఢిల్లీ డేర్‌ డెవిల్స్‌ తరఫున బరిలోకి దిగాడు. ఆ తర్వాత 2014లో సన్‌రైజర్స్‌ హైదరాబాద్‌ జట్టుకు మారాడు.

2016లో జట్టును విజేతగా నిలిపాడు. సన్‌రైజర్స్‌ హైదరాబాద్‌ జట్టుకు మారిపోయాక.. వార్నర్‌ కాస్త వార్నర్‌ భాయ్‌గా మారిపోయాడు. తెలుగు ప్రేక్షకులకు సుపరిచితుడు అయ్యాడు.కేవలం ఆటతోనే కాకుండా రీల్స్‌, డ్యాన్స్‌ చేస్తూ ఫ్యాన్స్‌ను అలరిస్తూ ఉన్నాడు. తెలుగు సినిమాల్లోని పాటలకు తన కుటుంబంతో కలిసి డ్యాన్స్‌లు చేస్తూ.. రీల్స్‌ చేస్తూ సరదా వీడియోలతో ఎంటర్‌టైన్‌ చేశాడు. ఇంకా చేస్తూనే ఉన్నాడు. కాగా ప్రస్తుతం డేవిడ్‌ వార్నర్‌ చేసిన ఓ వీడియో నెట్టింట తెగ వైరల్‌గా మారింది.

ఈ వీడియోను ఢిల్లీ క్యాపిటల్స్‌ సోషల్‌ మీడియాలో పోస్టు చేసింది.అందులో వార్నర్‌ పక్కన ఉన్న వ్యక్తి.. వార్నర్‌ మంచి మూవీ వచ్చింది చూడటానికి వెళ్దామా? ఫ్రీగా మంచి భోజనం పెడుతున్నారు తిందాం ఛలో! అక్కడ అందమైన అమ్మాయి ఉందంట పద వెళ్దాం! అని అడుగుతాడు. కానీ వీటిలో దేనికీ కూడా వార్నర్‌ ఒప్పుకోడు. నహీ యార్.. నహీ యార్‌ అని ఆన్సర్‌ ఇస్తాడు. చివరగా ఆధార్‌ కార్డు ఇస్తున్నారు వార్నర్‌.. అని సదరు వ్యక్తి చెబుతాడు. ఇది విన్న డేవిడ్ భాయ్.. పద పద అంటూ అతడిని పైకి ఎత్తుకొని పరిగెత్తుతాడు.

ఇందుకు సంబందించిన వీడియో నెట్టింట చక్కర్లు కొడుతోంది.

ఇది చూసిన నెటిజన్లు డేవిడ్ వార్నర్ ఆటగాడే కాదు, మంచి నటుడు కూడా అని కామెంట్లు చేస్తున్నారు. అతడు ఇండియన్ సిటిజన్ షిప్ కోసం ప్రయత్నిస్తున్నట్లు ఉన్నాడు అంటూ ఫన్నీ కామెంట్లు చేస్తున్నారు. కాగా, ఇటీవల వార్నర్‌.. ఓ యాడ్‌ షూట్‌లో ఎస్‌.ఎస్‌. రాజమౌళితో కలిసి నటించాడు. దీంతో తెలుగు ప్రజలకు మరింత దగ్గరయ్యాడు.

కాగా 2014 నుంచి 2021 వరకు సన్‌రైజర్స్‌ హైదరాబాద్‌ జట్టు తరఫున ఆడాడు. ఫ్రాంఛైజీతో విబేధాల కారణంగా 2022 సీజన్‌ నుంచి ఢిల్లీ క్యాపిటల్స్‌ జట్టుకు మారిపోయాడు. ప్రస్తుతం ఢిల్లీ క్యాపిటల్స్ జట్టు తరపున ఆడుతున్నాడు.