AI Beauty Contest ప్రపంచంలోనే మొట్టమొదటిసారిగా AI అందాల పోటీలు ప్రారంభం.. ప్రైజ్ మనీ ఎంతో తెలుసా...

AI Beauty Contest ఇప్పటివరకు మనం విశ్వ సుందరి, మిస్ ఇండియా వంటి అందాల పోటీలను చూశాం. మిస్ ఆంధ్రా, మిస్ తెలంగాణ పోటీలను సైతం చూశాం. అయితే ప్రపంచంలోనే తొలిసారిగా AI బ్యూటీ పోటీలను చూడబోతున్నాం. ఈ అందాల పోటీల్లో కంప్యూటర్ నుంచి క్రియేట్ చేసిన మోడళ్లను ప్రదర్శించనున్నారు. అంతేకాదు ఈ పోటీలో గెలిచిన విజేతకు 4 లక్షల రూపాయల ప్రైజ్ మనీ సైతం అందజేస్తారు.

గెలుపొందిన మిస్ AI టైటిల్ అందజేయనున్నారు. ఈ పోటీలను వరల్డ్ AI క్రియేటర్ అవార్డ్స్ సంస్థ(WAIC) నిర్వహిస్తోంది. ఈ పోటీలలో ఏ క్రియేటర్ అయినా పాల్గొనొచ్చు. మొత్తం ప్రైజ్‌మనీ ఎంతంటే..ఆర్టిఫిషియల్ ఇంటిలిజెన్స్(AI) సహాయంతో రూపొందించిన మోడల్స్ ప్రదర్శన ప్రపంచవ్యాప్తంగా ఉన్న AI క్రియేటర్లను గౌరవిస్తుంది. ఈ పోటీలో పాల్గొన్న వారికి మొత్తం 20 వేల డాలర్లు(భారత కరెన్సీలో దాదాపు రూ.16 లక్షల 70 వేలు) బహుమతిగా అందజేయనున్నారు. పోటీలు పాల్గొనేందుకు అర్హతలివే..మిస్ AI ఎంట్రీలు(ప్రవేశం) ఏప్రిల్ 14వ తేదీ నుంచి ప్రారంభమయ్యాయి.

ఎవరైతే AI ఆధారిత మోడల్స్ రూపొందిస్తారో వారంతా ఈ పోటీల్లో పాల్గొనొచ్చు. అయితే తప్పనిసరిగా సోషల్ మీడియాలో కొంత ఉనికిని కలిగి ఉండాలి. అంతేకాదు 18 ఏళ్లకు పైబడి ఉండాలి. దీనికి సంబంధించి WAIC వెబ్‌సైట్‌లో దరఖాస్తు ప్రక్రియ ఇప్పటికే ప్రారంభమైంది.అందాలో పోటీలతో పాటు AI ఆధారిత ఫ్యాషన్ కంటెంట్, మేల్ మోడ్సల్‌కు ప్రాధాన్యత ఇవ్వనున్నట్లు నిర్వాహకులు తెలిపారు. ప్రస్తుతానికి మిస్ AI పోటీలు వంద శాతం ఆర్టిఫిషియల్ ఇంటిలిజెన్స్‌తో రూపొందించబడిన మహిళా AI మోడల్స్ గురించి ఉంటుంది.

అయితే, ఈ మోడల్‌ను రూపొందించడానికి ఏదైనా టూల్ ఉపయోగించాల్సిన అవసరం లేదు. అత్యుత్తమ AI మోడల్ ఎంపిక..ప్రస్తుతం AI అవతార్‌లను రూపొందించడానికి కొన్ని ప్రసిద్ధ టూల్స్ OpenAI దాల్-ఇ, మిడ్‌జర్నీ, కోపిలట్ అందుబాటులో ఉన్నాయి. యూజర్లు ఎక్కువగా ఇందులో నుంచి AI అవతార్‌లను క్రియేట్ చేస్తారు. సాధనాల్లో వేలకొద్దీ ప్రాంప్ట్‌లు నిల్వ చేయబడతాయి. అయితే ఈ ప్రాంప్ట్ నుంచి రూపొందించబడితన అత్యుత్తమ AI మోడల్ ప్రపంచంలోనే మొట్టమొదటి మిస్ AIగా సెలెక్ట్ చేయబడుతుంది. AI మోడల్స్‌..బ్యూటీ, టెక్నాలజీ అండ్ సోషల్ మీడియా ఐడెంటిటీ అనే మూడు అంశాల ఆధారంగా ఈ తీర్పు ఉంటుందని ఆర్గనైజింగ్ బాడీ తెలిపింది.

AI మోడల్ లుక్స్ బ్యూటీ పరంగా డిజైన్, బట్టలు మొదలైనవి కనిపిస్తాయి. టెక్నాలజీ పరంగా, ఈ మోడల్ రూపొందించడానికి క్రియేటర్లు ఎలాంటి టూల్స్ అయినా వాడొచ్చు. టెక్నాలజీలో ప్రాంప్ట్‌లు అతిపెద్ద పాత్ర పోషిస్తాయి. వీరు క్రియేట్ చేసిన AI మోడల్స్‌కు సంబంధించిన లైక్స్, కామెంట్స్, ఇతర వివరాలను చూడొచ్చు. విజేతను ప్రకటించేది ఎప్పుడంటే..ఉత్తమ AI మోడల్స్‌‌ను ఎంపిక చేసేందుకు నలుగురు జడ్జిలు ఉంటారు. ఆసక్తికరమైన విశేషం ఏంటంటే, వీరిలో ఇద్దరు స్వయంగా AI ప్రభావశీలులు.

మొదటిది 3 మిలియన్ల కంటే ఎక్కువ మంది ఫాలోయర్స్‌ను కలిగి ఉన్న ఐటానా లోపేజ్, ఇంకోటి 28.1 మిలియన్ ఇన్‌స్టాగ్రామ్ ఫాలోవర్లను కలిగి ఉన్న ఎమిలీ పెల్లెగ్రిని. ఉత్తమ AI మోడల్‌కు 5 వేల డాలర్లు(రూ.4.1 లక్షలు) బహుమతిని మే 10వ తేదీన ప్రకటించనున్నారు.