Artificial Intelligence : అవగాహన లేకపోతే AI దుర్వినియోగం కావచ్చు : బిల్ గేట్స్తో మోదీ
ఆర్టిఫిషియల్ ఇంటెలిజెన్స్ (AI)తో ముడిపడి ఉన్న ప్రమాదాల గురించి మైక్రోసాఫ్ట్ సహ వ్యవస్థాపకుడు బిల్ గేట్స్కు (Bill Gates) ప్రధాని నరేంద్ర మోదీ (PM Modi) చెప్పారు. సరైన శిక్షణ ఇవ్వకపోతే ప్రజలు సాంకేతికతను దుర్వినియోగం చేస్తారని అన్నారు. ప్రజలు AIని మాయా సాధనంగా ఉపయోగిస్తే, అది తీవ్ర అన్యాయానికి దారి తీస్తుందని కూడా చెప్పారు.
"సరైన శిక్షణ లేకుండా ఎవరికైనా అలాంటి మంచి విషయం (AI) ఇస్తే, అది దుర్వినియోగం అయ్యే అవకాశం ఉంది. AI- రూపొందించిన కంటెంట్పై స్పష్టమైన వాటర్మార్క్లతో ప్రారంభించాలని నేను సూచిస్తున్నాను. తద్వారా ఎవరూ తప్పుదారి పట్టలేరు. భారతదేశం వంటి ప్రజాస్వామ్య దేశంలో , ఎవరైనా డీప్ఫేక్ని ఉపయోగించవచ్చు”అని మోదీ బిల్ గేట్స్తో చెప్పారు.
"డీప్ఫేక్ కంటెంట్ AI- రూపొందించబడిందని గుర్తించడం చాలా కీలకం. మనం కొన్ని చేయాల్సినవి, చేయకూడని వాటి గురించి ఆలోచించాలి" అని ప్రధాన మంత్రి అన్నారు. AI దుర్వినియోగం గురించి ఆందోళనలు రేకెత్తిస్తున్న బాలీవుడ్ నటులు, క్రీడాకారులు, ఇతర ప్రముఖ వ్యక్తుల అనేక డీప్ఫేక్ వీడియోలు, ఫోటోలు వెలువడిన తరుణంలో మోదీ ఈ వ్యాఖ్యలు చేశారు.
READ ON APP