DC vs LSG: ಲಖನೌ ಕೈ ಬಿಡದ ಸೋಲು, ಗೆದ್ದ ಡೆಲ್ಲಿಯ ಪ್ಲೇಆಫ್ ಆಸೆ ಜೀವಂತ!
ಹೊಸದಿಲ್ಲಿ: ನಿಕೋಲಸ್ ಪೂರನ್ (61) ಹಾಗೂ ಅರ್ಷದ್ ಖಾನ್ (58*) ಅವರ ಕಠಿಣ ಹೋರಾಟದ ಹೊರತಾಗಿಯೂ ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ವೈಫಲ್ಯದಿಂದ ಲಖನೌ ಸೂಪರ್‌ ಜಯಂಟ್ಸ್‌ ತಂಡ 19 ರನ್‌ಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್‌ ಎದುರು ಸೋಲು ಒಪ್ಪಿಕೊಂಡಿತು. ಸೋತರೂ ಕೆಎಲ್ ರಾಹುಲ್ ಪಡೆ ಕೊನೆಯ ಪಂದ್ಯ ಬಾಕಿ ಇರುವ ಕಾರಣ ಪ್ಲೇಆಫ್ ರೇಸ್‌ನಲ್ಲಿ ಉಳಿದಿದೆ. ಆದರೆ, ಗೆಲುವು ಪಡೆಯುವ ಮೂಲಕ ರಿಷಭ್ ಪಂತ್ ನಾಯಕತ್ವದ ಡೆಲ್ಲಿ 14 ಅಂಕಗಳೊಂದಿಗೆ ಲೀಗ್‌ ಹಂತವನ್ನು ಮುಗಿಸಿದೆ ಹಾಗೂ ಪ್ಲೇಆಫ್ ರೇಸ್‌ನಲ್ಲಿ ಉಳಿದಿದ್ದು ಇತರೆ ತಂಡಗಳ ಫಲಿತಾಂಶಗಳಿಗೆ ಕಾಯಲಿದೆ.ಆರ್‌ಸಿಬಿ ವಿರುದ್ದ ಕಳೆದ ಪಂದ್ಯದಲ್ಲಿ ಸೋಲು ಅನುಭವಿಸಿದ್ದ ಡೆಲ್ಲಿ ಕ್ಯಾಪಿಟಲ್ಸ್‌, ಅಭಿಷೇಕ್ ಪೊರೆಲ್ (58) ಮತ್ತು ಟ್ರಿಸ್ಟನ್ ಸ್ಟಬ್ಸ್ (57*) ಅವರ ಅರ್ಧಶತಕಗಳು ಹಾಗೂ ಇಶಾಂತ್‌ ಶರ್ಮಾ ಮಾರಕ ದಾಳಿಯ ಸಹಾಯದಿಂದ ಲಖನೌ ಎದುರು ಗೆಲುವು ಪಡೆಯಿತು. ಆ ಮೂಲಕ ತನ್ನ ಲೀಗ್‌ ಹಂತವನ್ನು ಮುಗಿಸಿದೆ. ಡೆಲ್ಲಿ ಗೆಲುವಿನ ಮೂಲಕ ರಾಜಸ್ಥಾನ್‌ ರಾಯಲ್ಸ್ ಪ್ಲೇಆಫ್‌ಗೆ ಅರ್ಹತೆ ಪಡೆದ ಎರಡನೇ ತಂಡವೆನಿಸಿಕೊಂಡಿತು. DC vs LSG ಪಂದ್ಯದ ಸ್ಕೋರ್‌ ಕಾರ್ಡ್‌ ಲಖನೌಗೆ ಆರಂಭಿಕ ಆಘಾತಇಲ್ಲಿನ ಅರುಣ್‌ ಜೇಟ್ಲಿ ಕ್ರೀಡಾಂಗಣದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ನೀಡಿದ್ದ 209 ರನ್‌ಗಳ ಗುರಿ ಹಿಂಬಾಲಿಸಿದ ಲಖನೌ ಸೂಪರ್‌ ಜಯಂಟ್ಸ್‌ ತಂಡಕ್ಕೆ ವೇಗಿ ಇಶಾಂತ್‌ ಶರ್ಮಾ ಆರಂಭಿಕ ಆಘಾತ ನೀಡಿದರು. ತಂಡದ ಮೊತ್ತ ಕೇವಲ 44 ರನ್‌ಗಳಿಗೆ ಕೆಎಲ್ ರಾಹುಲ್, ಕ್ವಿಂಟನ್ ಡಿ ಕಾಕ್, ಮಾರ್ಕಸ್ ಸ್ಟೋಯ್ನಿಸ್‌ ಹಾಗೂ ದೀಪಕ್ ಹೂಡಾ ಅವರ ವಿಕೆಟ್‌ಗಳನ್ನುಕಳೆದುಕೊಂಡು ಆರಂಭಿಕ ಆಘಾತ ಅನುಭವಿಸಿತ್ತು. ಪೂರನ್-ಅರ್ಷದ್ ಅರ್ಧಶತಕ ವ್ಯರ್ಥಐದನೇ ಕ್ರಮಾಂಕದಲ್ಲಿ ಕ್ರೀಸ್‌ಗೆ ಬಂದ ನಿಕೋಲಸ್ ಪೂರನ್ ಭರ್ಜರಿ ಬ್ಯಾಟ್ ಮಾಡಿದರು. ಒಂದು ಹಂತದವರೆಗೆ ಏಕಾಂಗಿ ಹೋರಾಟ ನಡೆಸಿದ್ದ ಪೂರನ್, 27 ಎಸೆತಗಳಲ್ಲಿ 61 ರನ್ ಸಿಡಿಸಿ ಮುಖೇಶ್ ಕುಮಾರ್ ಅವರ ಸ್ಲೋ ಎಸೆತದಲ್ಲಿ ಕವರ್ಸ್‌ನಲ್ಲಿ ಕ್ಯಾಚ್‌ ಕೊಟ್ಟರು. ಕೊನೆಯಲ್ಲಿ ಸ್ಪೋಟಕ ಬ್ಯಾಟ್ ಮಾಡಿದ ಅರ್ಷದ್ ಖಾನ್ ಕೇವಲ 33 ಎಸೆತಗಳಲ್ಲಿ ಅಜೇಯ 58 ರನ್ ಗಳಿಸಿ ಲಖನೌ ತಂಡವನ್ನು ಗೆಲ್ಲಿಸಲು ಭಾರಿ ಪ್ರಯತ್ನ ನಡೆಸಿದರು. ಆದರೂ ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಲಖನೌ 20 ಓವರ್‌ಗಳಿಗೆ 9 ವಿಕೆಟ್‌ ನಷ್ಟಕ್ಕೆ 189 ರನ್‌ಗಳಿಗೆ ಸೀಮಿತವಾಯಿತು.
208 ರನ್ ಕಲೆ ಹಾಕಿದ ಡೆಲ್ಲಿಇದಕ್ಕೂ ಮುನ್ನ ಪಂದ್ಯದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟ್ ಮಾಡುವಂತಾಗಿದ್ದ ಡೆಲ್ಲಿ ಕ್ಯಾಪಿಟಲ್ಸ್‌ ತನ್ನ 20 ಓವರ್‌ಗಳಿಗೆ 4ವಿಕೆಟ್‌ ನಷ್ಟಕ್ಕೆ 208 ರನ್ ಗಳಿಸಿತ್ತು. ಆ ಮೂಲಕ ಎದುರಾಳಿ ಲಖನೌ ಸೂಪರ್‌ ಜಯಂಟ್ಸ್‌ ತಂಡಕ್ಕೆ 209 ರನ್‌ಗಳ ಕಠಿಣ ಗುರಿಯನ್ನು ನೀಡಿತ್ತು. ಭರ್ಜರಿ ಬ್ಯಾಟ್ ಮಾಡಿದ್ದ ಅಭಿಷೇಕ್ ಪೊರೆಲ್ 58 ರನ್, ಟ್ರಿಸ್ಟನ್ ಸ್ಟಬ್ಸ್ 57 ರನ್, ಶೇಯ್ ಹೋಪ್ 38 ರನ್ ಹಾಗೂ ರಿಷಭ್ ಪಂತ್ 33 ರನ್ ಗಳಿಸಿದ್ದರು.
ಅಬ್ಬರಿಸಿದ ಅಭಿಷೇಕ್ ಪೊರೆಲ್‌ಆರ್‌ಸಿಬಿ ವಿರುದ್ದದ ಪಂದ್ಯದಲ್ಲಿ ಅನಗತ್ಯವಾಗಿ ರನ್‌ಔಟ್‌ ಆಗಿದ್ದ ಜೇಕ್ ಮೆಗರ್ಕ್, ಲಖನೌ ವಿರುದ್ಧದ ಪಂದ್ಯದಲ್ಲಿ ಡಕ್‌ಔಟ್‌ ಆದರು. ಆದರೆ, ಎರಡನೇ ವಿಕೆಟ್‌ಗೆ ಜೊತೆಯಾದ ಅಭಿಷೇಕ್ ಪೊರೆಲ್ ಹಾಗೂ ಶೇಯ್ ಹೋಪ್ ಭರ್ಜರಿ ಬ್ಯಾಟ್ ಮಾಡಿದ್ದರು. ಈ ಜೋಡಿ ಎರಡನೇ ವಿಕೆಟ್‌ಗೆ 92 ರನ್‌ಗಳನ್ನು ಕಲೆ ಹಾಕುವ ಮೂಲಕ ತಂಡಕ್ಕೆ ಭರ್ಜರಿ ಆರಂಭವನ್ನು ತಂದುಕೊಟ್ಟಿತ್ತು. 27 ಎಸೆತಗಳಲ್ಲಿ 38 ರನ್ ಗಳಿಸಿ ಹೋಪ್ ವಿಕೆಟ್‌ ಒಪ್ಪಿಸಿದರು. ಆದರೆ, ಒಂದು ತುದಿಯಲ್ಲಿ ಸ್ಪೋಟಕ ಬ್ಯಾಟ್ ಮಾಡಿದ ಅಭಿಷೇಕ್ ಕೇವಲ 33 ಎಸೆತಗಳಲ್ಲಿ 4 ಸಿಕ್ಸರ್‌ ಹಾಗೂ 5 ಬೌಂಡರಿಗಳೊಂದಿಗೆ 58 ರನ್ ಸಿಡಸಿದರು. ಕೊನೆಯಲ್ಲಿ ಅಬ್ಬರಿಸಿದ ಸ್ಟಬ್ಸ್ಎಂದಿನಂತೆ ಈ ಪಂದ್ಯದಲ್ಲಿಯೂ ಟ್ರಿಸ್ಟನ್ ಸ್ಟಬ್ಸ್ ಅವರು ಬ್ಯಾಟಿಂಗ್‌ನಲ್ಲಿ ಮಿಂಚಿದರು. ಇವರು ಕೇವಲ 25 ಎಸೆತಗಳಲ್ಲಿ 4 ಸಿಕ್ಸರ್‌ ಹಾಗೂ 3 ಬೌಂಡರಿಗಳೊಂದಿಗೆ ಅಜೇಯ 57 ರನ್ ಸಿಡಿಸಿದರು. ಇವರ ಜೊತೆಗೆ ನಾಯಕ ರಿಷಭ್ ಪಂತ್ 33 ರನ್ ಗಳಿಸಿ ತಂಡಕ್ಕೆ ನಿರ್ಣಾಯಕ ಕೊಡುಗೆಯನ್ನು ನೀಡಿದ್ದರು. DC vs LSG ಪಂದ್ಯದ ಸ್ಕೋರ್‌ ಕಾರ್ಡ್‌ ಇತ್ತಂಡಗಳ ಪ್ಲೇಯಿಂಗ್‌ XI ಲಖನೌ ಸೂಪರ್‌ ಜಯಂಟ್ಸ್‌:
ಕೆಎಲ್ ರಾಹುಲ್ (ನಾಯಕ, ವಿ.ಕೀ), ಕ್ವಿಂಟನ್ ಡಿ ಕಾಕ್, ಮಾರ್ಕಸ್ ಸ್ಟೋಯ್ನಿಸ್‌, ದೀಪಕ್ ಹೂಡಾ, ನಿಕೋಲಸ್ ಪೂರನ್, ಕೃಣಾಲ್ ಪಾಂಡ್ಯ, ಯುದ್ವೀರ್ ಸಿಂಗ್ ಚರಕ್, ಅರ್ಷದ್ ಖಾನ್, ರವಿ ಬಿಷ್ಣೋಯ್, ನವೀನ್-ಉಲ್-ಹಕ್, ಮೊಹ್ಸಿನ್ ಖಾನ್ ಡೆಲ್ಲಿ ಕ್ಯಾಪಿಟಲ್ಸ್‌: ಅಭಿಷೇಕ್ ಪೊರೆಲ್, ಜೇಕ್ ಮೆಗರ್ಕ್, ಶೇಯ್ ಹೋಪ್, ರಿಷಭ್ ಪಂತ್(ನಾಯಕ, ವಿ.ಕೀ), ಟ್ರಿಸ್ಟನ್ ಸ್ಟಬ್ಸ್, ಅಕ್ಷರ್ ಪಟೇಲ್, ಗುಲ್ಬದಿನ್ ನೈಬ್, ರಾಸಿಖ್ ದಾರ್ ಸಲಾಂ, ಮುಖೇಶ್ ಕುಮಾರ್, ಕುಲ್ದೀಪ್ ಯಾದವ್, ಖಲೀಲ್ ಅಹ್ಮದ್
Next Story