Career Opportunities After 12th : १२वी नंतर काय करायचे? जाणून घ्या उत्तमोत्तम Career options आणि भविष्यातील संधी...

Career Opportunities After 12th : बारावी हा विद्यार्थ्यांच्या आयुष्यातला एक सर्वात महत्त्वाचा टप्पा मानला जातो. १२वी नंतर काय करायचे हे जाणून घेण्याबरोबरंच विद्यार्थ्यांना त्यांच्या आवडीनिवडींचीही माहिती असली पाहिजे. चला तर आजच्या लेखात कला, वाणिज्य आणि विज्ञान या शाखांमधील काही पदवीपूर्व अभ्यासक्रमांचा आणि भविष्यातील उत्तमोत्तम संधींचा आढावा घेऊया.

1) Arts / कला शाखा :सध्या आर्टस् आणि स्पर्धा परिक्षा हे समीकरण अधिक प्रचलित झाल्याने अनेकांना हे केवळ एक स्पर्धा परिक्षांसाठीचे फिल्ड असल्याचा गैरसमज आहे. परंतू, तसे नसून त्या व्यतिरिक्त आणखीनंही बरेच करिअर ऑपशन्स यात उपलब्ध आहेत. त्याबद्दलच थोडक्यात माहिती घेऊया.

• B.A Economics: शेअर मार्केट, GDP, बिझीनेस अँड फायनान्स, डिमान्ड अँड सप्लाय अशा अर्थकारणाशी संबंधीत विषयांमध्ये रस असणाऱ्या व्यक्तींनी या क्षेत्रात पदवी मिळवून पुढे त्याला मास्टर्सची जोड दिली तर इन्व्हेस्टमेंट ॲनलिस्ट, इकोनॉमिस्ट, इकोनॉमिक रायटर, बँकर, मार्केट ॲनालिस्ट, ऑपरेशन मॅनेजर या आणि अशा अनेक करिअर संधी चांगल्या पॅकेजसह उपलब्ध होऊ शकतात.

• B.A Fine Arts: आर्ट डिरेक्टर, आर्ट टिचर, कार्टुनिस्ट, ग्राफिक डिझायनर, सेट डिझायनर, ॲनिमेटर, फिल्म मेकिंग अशा एखाद्या क्रिएटीव्ह क्षेत्रात तुम्हाला तुमचं करिअर घडवायचं असेल तर या पदवीचा तुम्ही नक्कीच विचार करा.

याबरोबरंच B.A in Political science, History, Geography, Hospitality and Travel, Literature, Animation, Journalism, असे अनेक पदवी अभ्यासक्रम कला शाखेत उपलब्ध आहेत.(वाचा : Diploma After HSC : १२ वी नंतर हे डिप्लोमा कोर्स करा; मिळेल लाखोंच्या पॅकेजची नोकरी

) 2) Commerce / वाणिज्य शाखा:कॉमर्सनंतर पदवी अभ्यासक्रमाचे दोन विभाग:

• ·Commerce with math
• Commerce without math

• 'Commerce with Maths' मधील पदवी अभ्यासक्रम: B. Com in Accounting and Taxation, Statistics, Management and International finance, Applied Eco, Banking and Finance, इ.

- B. Com Accounting and Taxation: या अभ्यासक्रमात टॅक्स सिस्टीम, फायनान्शिअल अकाउंटिंग, VAT, सेंट्रल टॅक्स, फायनान्स, प्रिन्सिपल ऑफ मॅनेजमेंट या विषयासंबंधीचे ज्ञान दिले जाते.

- B. Com in Statistics: या पदवी अभ्यासक्रमात इकॉनोमिक रिसर्च अँड ॲनालिसिस एज्युकेशन कन्सल्टिंग, अप्लाईड इकॉनॉमिक्स, डेटा ॲनालिसिस, इ अभ्यास समाविष्ट आहे.

• 'Commerce without Maths' मधील पदवी अभ्यासक्रम: B. Com, B. Com in business administration, marketing, Tourism and Travel management, इ.

- B. Com in business administration: या क्षेत्रात पदवी मिळवल्यानंतर फायनान्स, अकाउंटिंग, मार्केटिंग अशा अनेक क्षेत्रातील करिअर संधी खुल्या होतात.

तसेच यापुढे आपल्या आवडीच्या विषयात विद्यार्थी MBA देखील करू शकतात. - B. Com Tourism and Travel management: हा एक तीन वर्षांचा पदवीपूर्व अभ्यासक्रम आहे. यामध्ये टुरिझम क्षेत्राशी निगडित ट्रॅव्हल ऑपरेशन्स, हॉस्पिटॅलिटी मॅनेजमेंट, टुरिझम मॅनेजमेंट, मार्केटिंग आणि सस्टेनेबल टुरिझम इत्यादींचा समावेश आहे. 3) Science / विज्ञान शाखा:तुम्ही तुमची बारावीची परिक्षा PCB ग्रुप घेऊन उत्तीर्ण झाला असाल तर MBBS, Bachelor of dental surgery, medical lab and technology, Veterinary science and animal husbandry, Physiotherapy, Biotechnology, B.Sc.

forensic science, इत्यादी पदवी अभ्यासक्रम तुमच्यासाठी उपलब्ध आहेत. यातील काहीचा थोडक्यात आढावा घेऊया.

• Veterinary science and animal husbandry: बॅचलर ऑफ व्हेटर्नरी सायन्स हा पशुवैद्यकीय विज्ञान क्षेत्रातील पाच वर्षाचा पदवीपूर्व अभ्यासक्रम आहे. या अभ्यासक्रमाचा उद्देश प्राण्यांचे पोषण ,उपचार आणि प्रजननासाठी आवश्यक ज्ञान प्रदान करणे हा आहे.

PCMB ग्रुपसाठी Biomedical engineering, Healthcare data mining, Nanotechnology, Robotics, Architecture, Computer application इत्यादींमध्ये पदवी अभ्यासक्रम उपलब्ध आहेत.

• Nanotechnology (नॅनो टेक्नॉलॉजी): नॅनो टेक्नॉलॉजी हे एक प्रगत तंत्रज्ञान आहे. सूर्याचा प्रकाश ऊर्जेत रूपांतरित करणे, मानवी शरीरात बसवण्यायोग्य बायो चिपची निर्मिती, हे नॅनो टेक्नॉलॉजीमुळे शक्य झाले आहे. नॅनो टेक्नॉलॉजीचा उपयोग अनेक क्षेत्रांत होतो. त्यामुळे जगभरात त्यातील नोकर्‍यांच्या संधीही वेगात वाढत आहेत.

PCM ग्रुप घेऊन परिक्षा उत्तीर्ण झाला असाल तर Bachelor of planning, Technology, computer science hotel management, textile designing इ.

पदवी अभ्यासक्रम तुमच्यासाठी उपलब्ध आहेत.

• Bachelor of planning: या अभ्यासक्रमात प्रवेश मिळवण्यासाठी JEE ही प्रवेश परीक्षा आहे. या चार वर्षांच्या पदवीपूर्व अभ्यासक्रमानंतर अर्बन प्लॅनर, रीजनल प्लॅनर, प्रोजेक्ट प्लॅनर, डिझाईन आर्किटेक्ट, इंटिरियर डिझायनर अशा करिअरच्या संधी उपलब्ध होतात.

(वाचा : Career BTech: १२वी नंतर इंजिनिअरिंग-बी. टेक करण्याच्या विचारात आहात; या अभ्यासक्रमांमुळे मिळू शकते लाखोंची नोकरी

)या लेखातून भविष्यात मोठी मागणी असणाऱ्या करिअरच्या संधींचा आपण थोडक्यात आढावा घेतला आहे. विद्यार्थ्यांनी त्यांच्या इंटरेस्टनुसार योग्य त्या पर्यायाचा विचार करावा.