நாங்க இத பண்ணலான்னு பேசி வச்சிருந்தோம்… ” நிரூபித்து காட்டிய இந்திய அணி” அப்ரிடியின் கனவை சிதைத்த சூர்யகுமார் யாதவ் ..!!!

ஆசியக் கோப்பை 2025 கிரிக்கெட் தொடரின் இறுதிப் போட்டியில் பாகிஸ்தான் அணியை 5 விக்கெட் வித்தியாசத்தில் வீழ்த்தி இந்தியா கோப்பையை கைப்பற்றியது.

சூர்யகுமார் யாதவ் போட்டியில் பெற்ற அனைத்து சம்பளத்தையும் இந்திய ராணுவத்திற்கும் பஹல்காம் தாக்குதலில் பாதிக்கப்பட்டவர்களுக்கும் நன்கொடையாக அளிப்பதாக அறிவித்தார்.. இது ரசிகர்கள் மத்தியில் பெரும் பாராட்டை பெற்றது.

இந்த வெற்றிக்கு பிந்தைய அரசியல் சூழ்நிலைகள் கூட பெரும் பேசுபொருளாக மாறின. பாகிஸ்தான் கிரிக்கெட் வாரியத் தலைவர் மொஹ்சின் நக்வி, இந்திய வீரர்கள் கையால் கோப்பை ஏற்க மறுத்ததால் அதை தனது அறைக்கு எடுத்து சென்றதாக கூறப்படுகிறது.

இதேபோல், ஃபைனல் போட்டிக்கு முன்னர் அப்ரிதி, யூனிஸ் ஆகியோர் பாகிஸ்தான் வென்றிருந்தால் அந்த வெற்றியை பாகிஸ்தான் விமானப்படைக்கு அர்ப்பணிக்க திட்டமிட்டிருந்ததாக தெரிவித்தனர். இந்த யோசனையை தானே அணியினரிடம் பகிர்ந்ததாக அப்ரிதி கூறியிருந்தார். ஆனால் இந்திய வீரர் சூர்யகுமார் யாதவ், பாகிஸ்தானை வீழ்த்தியதன் பிறகு, அந்த வெற்றியை இந்திய ஆயுதப்படை மற்றும் பஹல்காம் மக்களுக்கு அர்ப்பணித்து நடத்திக்காட்டினார்.

திலக் வர்மா 69 ரன்கள் எடுத்ததற்காக ஆட்ட நாயகன் விருது பெற்றார். இந்திய அணியின் கட்டுப்பாடும், சகிப்பும், வீரத்தின் வெளிப்பாடும் இந்த வெற்றியில் தெளிவாகக் காட்சியளித்தது.

மொத்தத்தில், இந்த ஆசியக் கோப்பை இறுதிப் போட்டி சுவாரஸ்யம் நிறைந்ததாகவும், இந்தியாவின் சாதனைக்கு பாகிஸ்தானின் ஏமாற்றமும் பிரதிபலித்ததாகவும் கூறப்படுகிறது. விளையாட்டு மேடையில் இந்திய வீரர்கள் வெறுப்புக்கும் பதில் கொடுக்காமல், தங்கள் நற்பண்புகளை எடுத்துக்காட்டியிருந்தனர் என்பது குறிப்பிடத்தக்கது.