బంగాళాదుంప తొక్కని పీల్ చేసి పారేస్తున్నారా.. ఈ లాభాలు దక్కవు..

సాధారణంగా బంగాళాదుంప తొక్కలపై కరగని ఫైబర్, యాంటీ ఆక్సిడెంట్స్, పొటాషియం పుష్కలంగా ఉన్నాయి. ఇవి గుండె, చర్మం, జీర్ణ ఆరోగ్యానికి చాలా మంచిది. ఇందులో క్లోరోజెనిక్ యాసిడ్, కెఫీక్ యాసిడ్ శక్తివంతమైన యాంటీ ఇన్‌ఫ్లమేటరీ లక్షణాలను కలిగి ఉంటాయి. అయితే, మనం వీటిని వండినప్పుడు తొక్కల్ని తీసి వండడం వల్ల తొక్కల్లోని పోషకాలను కోల్పోతున్నాం.

ఫైబర్..

బంగాళాదుంప తొక్కల్లో ఎక్కువగా కరగని, కొద్దిగా కరిగే ఫైబర్స్ ఉంటాయి. ఈ కరిగే ఫైబర్ మన కడుపులో పేగు కదలికల్ని ఈజీగా చేస్తుంది. కరిగే ఫైబర్ కొలెస్ట్రాల్‌ స్థాయిల్ని తగ్గిస్తుంది. రక్తంలో చక్కెర స్థాయిల్ని బ్యాలెన్స్ చేస్తాయి.

రక్తంలో చక్కెర స్థాయిలు..

బంగాళాదుంప తొక్కలోని ఫైబర్ కంటెంట్ రక్తంలో గ్లూకోజ్ శోషణని నెమ్మదిస్తుంది.

రక్తంలో చక్కెర స్థాయిని సమానంగా చేస్తుంది. ఈ గుణం షుగర్ ఉన్నవారికి చాలా మేలు చేస్తుంది.

గుండె ఆరోగ్యానికి..

బంగాళాదుంపలో ఎక్కువ మొత్తంలో పొటాషియం గుండె ఆరోగ్యాన్ని కాపాడుతుంది. ఒత్తిడిని తగ్గించి గుండె కండరాల పనితీరులో సాయపడుతుంది. ఫైబర్, యాంటీ ఆక్సిడెంట్ లక్షణాలు కొలెస్ట్రాల్ స్థాయిలను తగ్గించి గుండెపై భారాన్ని తగ్గిస్తాయి. ఇది నాడీ వ్యవస్థ పనితీరుని మెరుగ్గా చేసి గుండె జబ్బుల అవకాశాలను తగ్గిస్తుంది.

​Also Read : ఫిష్ ఆయిల్ తీసుకుంటే గుండె ఆరోగ్యంతో పాటు ఈ లాభాలు కూడా..​

బరువు తగ్గించడం..

బంగాళాదుంప తొక్కలో కరగని ఫైబర్ బరువు తగ్గడంలో హెల్ప్ చేస్తుంది. వీటిని తినడం వల్ల చాలా సేపటి వరకూ కడుపు నిండిన ఫీలింగ్ ఉంటుంది. దీంతో ఎక్కువ ఫుడ్ తీసుకోం. కేలరీలు ఎక్కువగా బాడీలోకి చేరవు. దీంతో పాటు రెసిస్టెంట్ స్టార్చ్ కూడా ఇన్సులిన్ సెన్సిటివిటీని పెంచుతుంది. కొవ్వు నిల్వని తగ్గిస్తుంది.

జీర్ణ ఆరోగ్యం..

బంగాళాదుంపల్లోని పీచు పదార్థం జీర్ణక్రియకి హెల్ప్ అవుతుంది. మలబద్ధకాన్ని దూరం చేస్తుంది. అలాగే ఈ పీల్‌లో రెసిస్టెంట్ స్టార్చ్ జీర్ణ వ్యవస్థలోని ఆరోగ్యకరమైన బ్యాక్టీరియాని పోషించడంలో సాయపడుతుంది. ఇది జీర్ణ వ్యవస్థ ఆరోగ్యానికి చాలా మంచిది. హెల్దీ బ్యాక్టీరియాని పెంచుతుంది.

శోథనిరోధక లక్షణాలు..

క్లోరోజెనిక్ యాసిడ్, కెఫిక్ యాసిడ్ వంటి పోషకాలు శోథ నిరోధక లక్షణాలను కలిగి ఉంటాయి.

ఇవన్నీ శరీరంలో మంటని తగ్గిస్తాయి. ఆర్థరైటిస్ వంటి సమస్యల నుండి మన ఆరోగ్యాన్ని కాపాడతాయి. ​Also Read : ఇలా అల్లం, నిమ్మతో జ్యూస్ చేసి నెల రోజుల వరకూ ఆస్వాదించొచ్చు..​

యాంటీ ఆక్సిడెంట్ లక్షణాలు..

బంగాళాదుంప తొక్కలో యాంటీ ఆక్సిడెంట్స్ ఉంటాయి. వాటిలో ఫ్లేవనాయిడ్స్, కెరోటినాయిడ్స్, ఫినోలిక్ సమ్మేళనాలు ముఖ్యమైనవి. ఇవన్నీ శరీరంలో క్యాన్సర్‌కి కారణమయ్యే ఫ్రీ రాడికల్స్‌ని బ్యాలెన్స్ చేస్తాయి.

ఆక్సీకరణ ఒత్తిడిని తగ్గిస్తాయి. గుండెజబ్బులు, క్యాన్సర్, న్యూరోడెజెనరేషన్ వంటి వ్యాధుల నుండి రక్షిస్తాయి.

చర్మ ఆరోగ్యం..

ఇందులో కెరోటినాయిడ్స్, విటమిన్ సి వంటి యాంటీ ఆక్సిడెంట్ వాతావరణ కాలుష్య కారకాలు, సూర్యుని అతినీలలోహిత కిరణాలు ఆక్సీకరణ నష్టం నుండి చర్మాన్ని కాపాడతాయి. దీంతో పాటు, పొటాషియం చర్మానికి తగిన హైడ్రేషన్‌ని అందిస్తుంది. చర్మ మెరుపుని పెంచుతుంది.

వండే ముందు..

అయితే, ఇన్ని లాభాలున్నా దీనిని తినడానికి ఇష్టపడరు. కారణం. ఇది మటిలో పెరుగుతుంది. కాబట్టి, తినే ముందు తొక్కని బాగా కడిగి కాస్తా పైపైన పీల్ చేసి వాడుకోవచ్చు. దీని వల్ల కొన్ని ప్రయోజనాలైనా మనకి అందుతాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం.

గమనించగలరు.

Read More : Health News and Telugu News