FDA Raid : १ हजार लीटर दुधात ५०० लीटर शाम्पू-केमिकल, भेसळखोरांचं मोठं रॅकेट उघड

३ जुलै रोजी अन्न आणि औषध प्रशासनाचे आयुक्त तुकाराम मुंढे यांनी पत्रकार परिषद घेतली. ज्यात त्यांनी त्यांचा मोर्चा आता दुधात भेसळ करणाऱ्यांकडे वळवल्याचं स्पष्ट केलं होतं. पण तुकाराम मुंढे यांना हलक्यात घेणाऱ्या दूध भेसळखोरांवर त्यांनी स्टाइक केलाय. अन्न आणि औषध प्रशासन आयुक्त तुकाराम मुंढे यांच्या धडक मोहिमेमुळे सध्या संपूर्ण महाराष्ट्रात भेसळखोरांचे धाबे दणाणले आहेत. हॉटेल चालक आणि रेस्टॉरंटवर कारवाईनंतर तुकाराम मुंढेंनी आपला मोर्चा दूधात भेसळ करणाऱ्यांकडे वळवला. दुधाच्या उत्पादनापासून ते ग्राहकांच्या घरापर्यंत पोहोचणाऱ्या संपूर्ण पुरवठा साखळीसाठी अत्यंत कडक नियमावली जारी केली. यानंतर अन्न आणि औषध प्रशासनाने आणि पोलिसांनी संयुक्तपणे मोठी कारवाई सुरू केली आहे. नुकताच पुणे ग्रामीण पोलीस आणि एफडीआयने संयुक्तरीत्या पाच जिल्ह्यांत टाकलेल्या छाप्यांमुळे दुधातील भेसळीचे रॅकेट समोर आले आहे. तसंच सिन्नर मध्येही धडक कारवाई केली आहे. दूध भेसळखोरांविरोधात झालेल्या धडक कारवाईचा आढावा या व्हिडिओच्या माध्यमातून घेऊया...