Kolhapur Gokul Election Result : सतेज पाटलांकडून करेक्ट कार्यक्रम, महायुतीचा टांगा पलटी

१० आमदार, खासदार, थेट मंत्री आणि राज्याची संपूर्ण सत्ता... समोर महायुतीची भक्कम तटबंदी उभी होती, पण कोल्हापूरच्या राजकारणात ज्याला 'चाणक्य' मानलं जातं, त्या एका माणसाने अख्खा गेम फिरवला! सतेज उर्फ बंटी पाटलांनी गोकुळच्या मैदानात समविचारी आघाडीला २५ पैकी १४ हून अधिक जागांवर आघाडी मिळवून देत महायुतीला धक्का दिला आहे. ज्याने गोकुळ जिंकलं, त्याने जिल्ह्याचं अर्थकारण आणि राजकारण दोन्ही जिंकलं. कोल्हापूरच्या राजकारणात ही म्हण प्रसिद्ध आहे.कोल्हापुरात महायुतीचे महायुतीचे १० आमदार, खासदार आणि पालकमंत्री असा सर्व बडगा पाठीशी असतानाही सतेज पाटलांनी एकाकी झुंज देत हा विजय खेचून आणलाय. कोल्हापूर जिल्हा सहकारी दूध उत्पादक संघ म्हणजेच 'गोकुळ'च्या निवडणुकीत विधानपरिषदेचे आमदार आणि काँग्रेसचे ज्येष्ठ नेते सतेज उर्फ बंटी पाटील यांनी पुन्हा एकदा आपलं राजकीय वर्चस्व सिद्ध केलं आहे. संपूर्ण महायुती—ज्यात भाजप, शिवसेना आणि राष्ट्रवादी काँग्रेस अजित पवार गटाचे बडे नेते एकत्र आले होते—त्यांना नमवत सतेज पाटलांच्या 'राजर्षी शाहू शेतकरी समविचारी आघाडी'ने गोकुळवर आपलं वर्चस्व दाखवून दिलंय. सतेज पाटील यांच्या घरासमोर कार्यकर्त्यांनी गुलाल उधळून विजय साजरा केला जातोय. तर दुसरीकडे महायुतीच्या नेत्यांनी घेतलेल्या शपथा, काढलेली सहल आणि घेतलेले शब्द हे सर्व मागे पडल्याची चर्चा आहे.महायुतीचे अनेक दिग्गज उमेदवार पिछाडीवर आहेत.तर मंत्री चंद्रकांत पाटील, धनंजय महाडिक, प्रकाश आबिटकर यांनी गोकुळच्या निवडणुकीत महायुती सर्वच्या सर्व २५ जागा जिंकेल असा दावा केला होता. या महायुतीचे सर्व नेते तोंडावर पडले असल्याची चर्चा आता कोल्हापुरसह राजकीय वर्तुळात सुरू आहे. गोकुळची निवडणूक का महत्त्वाची आहे, सतेज पाटलांनी ही संपूर्ण चक्रव्यूह रचना कशी भेदली आणि कोल्हापूरच्या राजकारणावर याचे काय दीर्घकालीन परिणाम होतील, तेच या व्हिडिओच्या माध्यमातून समजून घेऊया...